Kvat tykkjer du um Jesus Krist?

1 Kvat tykkjer du um Jesus Krist?
Det maa du, Syndar, vita visst.
So du kann Herren svara.
For finn du ikkje Svartet fyrr:
Naar han ein Dag som Domar spyrr,
Daa vil du illa fara.

2 Kvat tykkjer du um Jesus Krist?
Aa Syndar, tak daa ikkje mist,
Naar du skal Svaret giva!
For derpaa Liv og Daude stend,
Um Kristus rett av deg vert kjend:
Giv Svar,so du kann liva!

3 For er han berre Davids Son,
Um og so stor som Salomon
I Visdom, Magt og Æra:
Han endaa ikkje er den Mann,
Som Liv den Daude giva kann
Og sæl ein Syndar gjera.

4 So bed um Anden, at du maa
Fyrst all di Synd i Sanning sjaa
Og saart av Hjartat kjenna!
Og ropa so fraa Djupet ut
Fyr Jesus all di Sorg og Sut,
So Angers Taarer renna!

5 So skal du og ved Drui faa
Med andre Augo Kristus sjaa
Og kjenna honom nærre:
Daa ser du meir enn Davids Son,
Du ser ein Syndars Liv og Von,
Ja ser din Gud og Herre.

6 Kvat tykkjer du um Jesus Krist?
Daa kann du svara sant og visst:
Han er min Gud og Frelsar!
Han siter ved Guds høgre Hand
Og legg fyr Fot kvar Fiendsmann,
Men sælt Guds Vener helsar.

Source: M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg: Kirkesalmeboger og Almedigter af Biskop J. N. Skaar, med 79 portræter, og Kirkemusiker og Kirkemusik... #760