TTT-Himnaro Cigneta ‎#208

208. Homoj, kies fierec': Strofoj pri la libereco

1. Homoj * kies fierec' estas pri la liberec',
Se sklav' sur la ter' de Di' spiras - ĉu liberas vi?
Se ne vibras via koro kun la frato en doloro
Vi ja vivas en sklavec' sen la rajt' al liberec'.
Vi ja vivas en sklavec' sen la rajt' al liberec'.

2. Ĉu libera estas li kiu rompas nur por si
La katenojn, kies kor' metas devon el memor'?
Portu ni kun nia frato liajn ĉenojn pro kompato;
Portu ni per vort' kaj far' liberecon al homar'.
Portu ni per vort' kaj far' liberecon al homar'.

3. Hom' libera pro kompat' ĉiam estas advokat'
De l' falint' kaj malfortul', sed sklav' estas timemul'
Kiu pro la mondkolero ne parolas por la vero;
Sklavo ĉar ne staras li por justec' kun du aŭ tri.
Sklavo ĉar ne staras li por justec' kun du aŭ tri.

Text Information

• First Line: Homoj, kies fierec' estas pri la liberec'
• Title: Homoj, kies fierec': Strofoj pri la libereco
• English Title: Men! whose boast it is that ye
• Author: James Russell Lowell (1844)
• Language: Esperanto
• Topic: Human Rights
• Source: Unitarian Society of Madison, WI, USA; Anonymous Esperanto translation, 1954 or earlier

Tune Information

• Name: MENDELSSOHN
• Composer: Felix Mendelssohn (1840)
• Arranger: William H. Cummings (1855)

Text Information:

Note: The original poem has four stanzas, of which the translation gives only stanzas 1, 3 and 4. In the original the first word was "Men" ("Viroj") not "People" ("Homoj") — and the missing second stanza begins with "Women". Here is a literal translation of the missing stanza:

Virinoj! kiuj iam naskos filojn por spiri la Novanglian aeron,
Se vi aŭdas sen ruĝiĝo pri agoj, kiuj rapidigas la vekitan sangon
Kvazaŭ ruĝan lafon tra viaj vejnoj, pro viaj fratinoj nun en ĉenoj —
Respondu! ĉu vi taŭgas por esti patrinoj de la bravaj kaj liberaj?

The poem aimed to fight against the system of slavery in the United States (and elsewhere).