TTT-Himnaro Cigneta ‎#172

172. Ho Dio, mankas vortoj por la hodiaŭa kri'

1. Ho Dio, mankas vortoj por
La hodiaŭa kri' —
Koler', konfuzo kaj dolor'!
Ja devas preĝi ni!

2. Lamentas ni pro ĉiu nun
Mortinto kaj vundit',
Pro orfoj kaj gevidvoj kun
Angor' sen intermit'.

3. Kaj por gvidantoj niaj ni
Nun preĝas, ho Sinjor'.
Saĝigu ilin, saĝa Di',
En malespera hor'.

4. Pro la kompato kaj la grac'
Sen tim' ni fidas vin.
Brakumu justo nun kun pac'!
Ho Dio, kunu nin!

Text Information

• First Line: Ho Dio, mankas vortoj por
• Title: Ho Dio, mankas vortoj por la hodiaŭa kri'
• English Title: O God, our words cannot express
• Author: Carolyn Winfrey Gillette (2001)
• Translator: Ros' Haruo (2001)
• Language: Esperanto
• Topic: Facing Terror

Tune Information

• Name: ST. ANNE
• Composer (attributed to): William Croft (1708)

Text Information:

The English original was written on 9/11/2001; the translation was done on 9/18/2001.