TTT-Himnaro Cigneta ‎#110a

110a. Dum nokte gardis al ŝafar'

1. Dum nokte gardis al ŝafar'
Ŝafistoj, laŭ la mor',
Alstaris apud paŝtistar'
Anĝelo meze gloro,
Anĝelo meze glor'.

2. Ĉar teruriĝis tiu ar',
Ne timu ! diris li,
Sciigon bonan por homar'
Venigas mi al vi,
Venigas mi al vi.

3. Hodiaŭ jen en Bet-Leĥem,
El David famili',
Naskita estas Kristo mem,
Savanto nun por vi,
Savanto nun por vi.

4. La sanktan bebon trovos vi,
Jen signo — en humil'
En stala trogo kuŝas ĝi,
La vera Dia Filo,
La vera Dia Fil'.

5. Subite estis kun l' anĝel'
Armeo en aer'
Laŭdante Dion en ĉiel',
Dirante super tero,
Dirante super ter':

6. Al Dio en ĉielo, glor',
Kaj paco sur la ter',
De nun al homoj Di-favor' —
Savigo kaj espero,
Saviĝo kaj esper'.

Text Information

• First Line: Dum nokte gardis al ŝafar'
• Title: Dum nokte gardis al ŝafar'
• English Title: While Shepherds Watched Their Flocks by Night
• Author: Nahum Tate (1700)
• Translator: Leonard Ivor Gentle
• Topic: Christmas
• Source: EH 33

Tune Information

• Name: CHRISTMAS
• Composer: George Frederick Handel (1728)
• Source: Arr. in "Harmonia Sacra", 1812