يمكن اكون غلطت امبارح

1- يمكن اكون غلطت امبارح
وبقت كل حياتى ضياع
لكن ثقتى إن انت تسامح
وتصحح فيَّ الأوضاع

قرار:
يا ربي اختبرنى
واكشف لي ع اللي في قلبى
أرجع لك وتطمنى
بوقوفك دايما جنبى

2- يمكن اكون ضعيف جوايا
وعيوبى تاعبانى كتير
ولا ينفعنى ألاقي لها نهاية
غير انى الجأ لك يا قدير

3- يمكن اكون مش قادر أنسى
غلطاتى وغلطات الغير
عايز اتعلم إزاى أنسى
شر اخواتى واقابله بخير

4- يمكن اكون محتاج لأمان
نفسي أحسه ولو لحظات
وانسى مخاوفى وحزن زمان
وكأنه راح عنى ومات


Source: رنموا للرب #442