إن كنت هنا أرى ضيقات

1- إن كنت هنا أرى ضيقاتْ
آلامات أو شده ومتاعبْ
دا الرب سمحْ ليُعلّمني
أسرارْ عظيمة وعجائب
دا كل يوم ربي يسوعْ
ساير بوجهُه أمامي
وبيده يمسح لي الدموع
ويبدد عني أوهامي

القرار
يسوعْ يا حلو يا غالي
يسوع يا مصدر آمالي
(حبيب ولا كل الحبايب
ومعاك العيشه تهنا لي)3

2- كم صادفتني من أحزان
دي الغربه مليانه مصاعب
ولا فيش صديق غيرك تاني
حبيب ولا كل الحبايب
تيجي تسندني تُعضدني
تمحو الآلامْ وتباركني
في أتون النار تتراءى لي
ويصير جنه وانت معي

3- كم من ظروف صعبة يا ربي
تركوني كل الحبايب
سالت دموعي أنا لوحدي
وسط الضيقات والتجارب
لكن يسوع رب السماء
أعلن لي ذاته وجلاله
وانا وياه دايما في سلام
دا سباني منظر جماله


Source: تسابيح الرجاء #405

• MIDI file from تسابيح المحبة: الاصدار الثالي #608