إلهنا عظيم إلهنا أمين

Published in 2 hymnals

Representative Text

1- إلهنا عظيم إلهنا أمين
وحافظ عهده سنين وسنين
بيطعم شعبه في بريه
ويطلق أسرى ومسبيين
إله دانيال ورب داود
بنؤمن إنه ما زال موجود
ينجي عبيده حسب وعده
من سيف جليات وجب أسود

قرار:
يا إلهنا الصالح شكرًا ليك
مهما بنشكر مش ها نوفيك
دي مراحمك جيل ورا جيل
وأمانتك ثابته وما بتزول
أعمالك تشهد لك وتقول
يا رب ما لكش مثيل

2- في قلب السجن ووسط الضيق
بتجي بقوه يا أوفى صديق
وان وقف البحر قصاد شعبك
تشقه وتعمل منه طريق
ما فيه أبواب ولا أسوار
أمامك تقوى يا جبار
وان اضطهدوا في مره اولادك
نشوفك وسط أتون النار

3- إله آبائنا وأجدادنا
عهودك لينا ولولادنا
يا فادي من الحفره حياتنا
وواعدنا للسما ها تاخدنا
بنعلن إن إيماننا فيك
وان يوم أنكرنا وصاح الديك
بنظرة حب تدوبنا
ونرجع تاني بتوبه إليك

Source: رنموا للرب #854

All representative texts • Compare texts ^ top