وهاعيش لك

القرار
وهاعيش لك
حتى ولو كرهوني الناس
وهاكون لك
حتى ولو اسمي بينداس

1- حتى ولو قالوا عني كلام
حتى ولو صادفتني آلام
حافضل صامد فيك
أنا متمسك بيك
يكفى حياتي ان انت معايَ
هارمي العالم كله ورايَ

2- حتى ولو نسيوا الخلان
إني أخوهم وبعدوا كمان
هارمي بحملي عليك
واصرخ وانا باناديك
إنت الخل الوفي وكفايه
بالقى في حبك ليَّ حمايه

3- غدر ومر وكله منين
خايف اقولها ازاي خاينين
علمني ازاي اسامح
وانسى الحرف الجارح
وافضل ناظر ليك قدامي
وفي حبك راح اعيش أيامي


Source: تسابيح الرجاء #402