Conditor alme siderum

Representative Text

1. Conditor alme siderum,
Æterna lux credentium,
Christe, redemptor omnium,
Exaudi preces supplicum.

2. Qui condolens interitu
Mortis perire sæculum,
Salvasti mundum languidum,
Donans reis remedium,

3. Vergente mundi vespere,
Uti sponsus de thalamo,
Egressus honestissima
Virginis matris clausula.

4. Cuius forti potentiæ
Genu curvantur omnia;
Cælestia, terrestria
Nutu fatentur subdita.

5. Te, Sancte, fide quæsumus,
Venture iudex sæculi,
Conserva nos in tempore
Hostis a telo perfidi.

6. Sit, Christe, rex piissime,
Tibi Patrisque gloria
Cum Spiritu Paraclito,
In sempiterna sæcula.

Amen.

Source: TTT-Himnaro Cigneta #595

Timeline

Instances

Instances (1 - 7 of 7)
Text

TTT-Himnaro Cigneta #595

Suggestions or corrections? Contact us
It looks like you are using an ad-blocker. Ad revenue helps keep us running. Please consider white-listing Hymnary.org or getting Hymnary Pro to eliminate ads entirely and help support Hymnary.org.