بنحط حياتنا قدامك

Published in 2 hymnals

Representative Text

1- بنحطّ حياتنا قدامك
ونسلم كل الأيام
جايين لك نشتاق نبقى لك
خارجين من دنيا الأوهام
يا اللي في زمن الحب لقيتنا
مرِّيت بحياتنا وحبيتنا
وقبلتنا نبقى من شعبك
(وبدمك إنت غطيتنا)

2- مش ممكن نبقى لنفسينا
ونعيش أيامنا وليالينا
نشتاق لسراب زائل باطل
وأماني هي مش لينا
دي حياتنا ليها عندك خطه
محفوظه من قبل الكون
عايزين نحياها عشان مجدك
(زي ما تحب احنا نكون)

3- جهزنا جيش يشهد عنك
تبقى انت ملكنا وفرحتنا
والكَنز اللي مالي قلوبنا
وحياتنا وكل دنيتنا
اكسرنا ونورنا بنورك
عيش فينا وادينا حياتك
اخفينا وانت اظهر فينا
(واحفظنا بس لمرضاتك)

Source: رنموا للرب #319

All representative texts • Compare texts ^ top