أنا فرحان

القرار-
أنا فرحان أكيد فرحان
أنا كلي سعيد وقلبي حاسس بالأمان
معايا فادي ماشي جنبي
بيفكر فيّ وشايل همي من زمان

1- ومهما يجرح شعوري العالم
ومهما يحاول إنه يفشلني ويخزيني
ألاقي في قلبي ترنيمة ربي تعزيني
وييجي فاديّ ويمسح لي دمعة عيني

2- ومهما ييجيني إبليس بكلامه
ومهما يحاول إنه يجربني ويغويني
ألاقي في قلبي كلمة من أية بتغنيني
بترد عليه وبتكسر شوكته وتنجيني

3- وإن جه أصحابي وغلطوا فيّ
ومهما يحاولوا يسيئوا بكل كلامهم ليّ
ألاقي في قلبي قوة ربي بتقويني
وأرُد الشر بكل الخير اللي اداه ليّ


Source: اصنع بنا نهضتك #772