أنا عايش في الفلك انا عايش

1- أنا عايش في الفلك انا عايش
في سفينةِ المسيح
أنا قلبي متطمن جدًا
وضميري مُستريح
مهما تجي الأهوال
بركان ولاّ زلزال
لو ينابيع الغمر انفجرت
فأنا مِرتاح البال

2- الرب غفر كل ذنوبي
ساعة ما لجأت إليه
وكشف لي عن كل عيوبي
وسجدتِ عند قدميه
سلمني شيك الغفران
بمحبه وكل حنان
ونظر لي بعينيه الحلوه
وقال لي امضِ بسلام

3- لو قوات الشر اجتمعت
مع إبليس الشرير
مش ممكن يقدر علينا
لأن مسيحنا قدير
نزل في أتون النار
مع الفتيه الأبرار
أنقذهم واتحدى نبوخذنصَّر
وجماعة الأشرار

4- هانعيش طول العمر نصلي
ونمجد اسمه العظيم
ونسبح دايما ونرنم
ليسوع فادينا الكريم
ونبشر كل الناس
بالإنجيل والخلاص
والباب مفتوح للي يدخل
بشرى لجميع الأجناس


Source: تسابيح الرجاء #470

• MIDI file from تسابيح المحبة: الاصدار الثالي #604