أنا الخروف الضال وانت الراعي الأمين

Published in 2 hymnals

Representative Text

1- أنا الخروف الضال
وانت الراعي الأمين
تركتِ عالجبال
التسعة والتسعين
وبصبر واحتمال
لفيت شمال ويمين
تبحث بشوق عني
تبحث بشوق عني

2- كان قلبك الحنون
من لهفته في لهيب
ناديتني إنت فين
يا ابني يا حبيب
فين إنت يا مسكين
خايف عليك من الديب
فين إنت يا إبني
فين إنت يا إبني

3- لاقيتني وسط الشوك
دخلت لي هناك
في إيديك بقيت ممسوك
نجيتني من الهلاك
دمك بقي مسفوك
من تجريح الأشواك
والقلب متهني
والقلب متهني

4- شلتني على الأكتاف
ورجعت بي فرحان
والأذرع اللطاف
حاطوني في حنان
ومع باقي الخراف
وصلتني بأمنان
وفضلت حافظني
وفضلت حافظني

Source: تسابيح الرجاء #89

First Line:	أنا الخروف الضال وانت الراعي الأمين
Language:	Arabic

Instances (1 - 1 of 1)