تسابيح المحبة ‎#786

786. عارفك مش قادر ترتاح

1) عارفك مش قادر تِرتاح
شايف قلبك كله جراح
عُمرك في طريق مظلم راح
تعالَ يسوع عِنده الأفراح

القرار
تعال إليه وسلِّم ليه
وحُطّ حياتك بين إيديه
هيِغفر ليك خطايا ماضيك
ويِضمن كل الحاضر فيه

2) وهتفضل عايش تعبان
طول ما عينيك على الإنسان
ليه فكرك شارد حيران
دا يسوع يملا الفكر طمان

3) ارجع وارمي عالم فاني
مِش هتفكَّر ترجع تاني
ليه قلبك من الهم يعاني
عمرك ضايع وانت الجاني

4) جُرحك مين يقدر يداويه
ذنبك مين يقدر يداريه
ليه خايف تتقدم ليه
حملك إرميه كله عليه

Text Information

• First Line: عارفك مش قادر ترتاح
• Title: عارفك مش قادر ترتاح
• Refrain First Line: تعال إليه وسلم ليه
• Language: Arabic
• Publication Date: 2007

Tune Information

• Name: [عارفك مش قادر ترتاح]