TTT-Himnaro Cigneta 211. "Hosana, Hosanega!" laŭtkantas infanar';

TTT-Himnaro Cigneta‎#211

Text:	Hosana, Hosanega!
Author:	Jeannette Threlfall
Translator:	Ros' Haruo
Tune:	ELLACOMBE
Composer:	Anonima

211. Hosana, Hosanega!

Full Text

1. "Hosana, Hosanega!" laŭtkantas infanar';
Tra templo kaj tra kortoj resonas laŭd-deklar'.
Ĉar Jesuo ilin benis per amega ĉirkaŭprem',
Laŭdkantas la infanoj pro simpla respondem'.

2. De l' Olivmonto buboj lin sekvas en amas',
Kaj palmajn branĉojn svingas kun ĝoj' ĉe lia pas'.
Adorato de l' anĝeloj en humilo rajdas plu:
De l' dorso de azeno salutas jen Jesu'.

3. "Hosana en plejalto!" — antikvas nia kant' —
"Ni vin salutas, Kristo, kaj laŭdas, ho Savant'!
Ja eterne vin laŭdados niaj voĉo, vivo, kor':
'Hosana!' Ni ĝojegos senfine en ador'!"

Text Information
First Line:	"Hosana, Hosanega!" laŭtkantas infanar';
Title:	Hosana, Hosanega!
English Title:	Hosanna, Loud Hosanna
Author:	Jeannette Threlfall (1873)
Translator:	Ros' Haruo (1997)
Language:	Esperanto
Topic:	Palm Sunday
Source:	HK