TTT-Himnaro Cigneta ‎#142

142. Firme kredas mi kaj vere

1. Firme kredas mi kaj vere
Dio estas Triunuo.
Kaj la Filo, eĉ surtere,
Enkarniĝis en Jesuo.

2. Fidas mi kun plenespero
Al la kruca sav-deklaro,
Mortu per la Di-mistero
Ĉiu peka penso, faro.

3. Venas lumo, vivo, forto
Nur per graco de l' Sinjoro.
Ĉiopova, Sankta Vorto,
Lin mi amas kun fervoro.

4. Ankaŭ, Sanktan Eklezion
Mi respektas, pro Jesuo.
Ŝi instruos, ĝis en Cion
Li mem estos mia ĝuo.

5. Ho adoru, terloĝanto,
Kun anĝeloj ĉe l' zenito
Nun al Dio, la Kreanto,
Patro, Filo, kaj Spirito.

Text Information

• First Line: Firme kredas mi kaj vere
• Title: Firme kredas mi kaj vere
• English Title: Firmly I believe and truly
• Author: John Henry (Kardinalo) Newman
• Translator: Leonard Ivor Gentle
• Language: Esperanto
• Topic: Confession of Faith; Baptismal Confession
• Source: EH 96

Tune Information

• Name: STAFFORD
• Composer: Johann Georg Christian Störl (18th c.)
• Arranger: Samuel Sebastian Wesley (19th c.)