TTT-Himnaro Cigneta ‎#124a

124a. En Krist' ne estas sud' aŭ nord'

1. En Krist' ne estas sud' aŭ nord',
Oriento, okcident',
Sed nur gefratoj en konkord'
Sur ĉiu kontinent'.

2. Interligiĝu ĉies kor'
En Li, la Dia Fil'.
Lin servi estu de l' homar'
La firma or-ligil'.

3. Manplektu, fratoj de la fid'
El kiu ajn naci';
Servante Patron kvazaŭ fil'
Parencas vi al mi.

4. En Krist' kuniĝas sud' kaj nord',
Oriento, okcident':
Pro Kristo iĝas unu ni
Sur ĉiu kontinent'.

Text Information

• First Line: En Krist' ne estas sud' aŭ nord'
• Title: En Krist' ne estas sud' aŭ nord'
• English Title: In Christ there is no East or West
• Author: John Oxenham
• Translator: Adolf Burkhardt (1982)
• Scripture:
  Galatians 3:28
• Topic: Oneness in Christ
• Source: TK 81 (kp Ad 558)

Tune Information

• Name: ST. PETER
• Composer: Alexander Robert Reinagle (1836)