رنموا للرب ‎#904

904. لما اشبع منك راح ادوس

قرار:
شبعي فيك بارتوي منك
إنت إلهي وعيني عليك
منتظرك راحتي في شخصك
قلبي وروحي بين إيديك

1- لما اشبع منك راح ادوس
على عسل العالم وما فيه
من شهوه ودا شيء ملموس
لكن وعدك هاغلب بيه

2- ارويني بحبك يا فاديّ
واملاني بروحك يا مليك
اخفيني وانت اظهر فيّ
علشان مجدك يرجع ليك

3- منتظرك غير خطواتي
أتحول وابقى بركان
يتفجر عملك في حياتي
تعمل بيّ في كل مكان

4- عيني عليك تجي وتاخدني
وأعيش قدامك على طول
في الأبديه انا هافضل اغني
وضيقاتي تنتهي وتزول

Text Information

• First Line: لما اشبع منك راح ادوس
• Refrain First Line: شبعي فيك بارتوي منك
• Language: Arabic
• Publication Date: 2007

Tune Information

(No tune information)