رنموا للرب ‎#893

893. رغم ضياع الحب وصورته

1- رغم ضياع الحب وصورته
من قلب الإنسان
شايفك حب حقيقي بينده
على قلب العطشان
حب وفيه غفران
بالنعمه وإيمان
إن صليبك فيه العدل
وفيه الرحمه كمان

2- رغم صراع النفس الكامن
جوا دواير الذات
لمسة إيدك تشفي النفس
وتحيي القلب ان مات
حريه وتحرير
والروح بالتغيير
تعلن بر الله وسلامه
وتعلن بذل الذات

3- رغم حصار الشر وعندُه
وزئير الشيطان
شايفك واقف جنبي وشايف
في إيديك السلطان
لما الحرب تزيد
أنا في الصخره شديد
سيف الروح الكلمه الحيه
بيضمن نصري الآن

4- رغم رنين الماده وعنف
ميول الجسديات
تجي وترفع قلبي النعمه
وتمنح روحي ثبات
طول ما انا ثابت فيك
وفي حبك وإيديك
هافضل اغني الرحله بحالها
أحلى الترنيمات

Text Information

• First Line: رغم ضياع الحب وصورته
• Language: Arabic
• Publication Date: 2007

Tune Information

(No tune information)