رنموا للرب ‎#880

880. يفرح لو تنادي له

قرار:
فيه واحد بيحبك
بيخبط على قلبك
خليه يملك عمرك
وافتح قلبك ليه
كلمه تلقاه سامعك
حاسس بيك وبضعفك
هو الخالق ربك
شايلك جوا عينيه

1- يفرح لو تنادي له
لو تقرا في إنجيله
من قلبك صلي له
وارمي الحمل عليه
لو حسيت بالوحده
واتألمت بشده
ربك صوته بينده
روح اتعرف بيه

2- ربنا وعده أكيد
لو يبقى لك سيد
يديك عمر جديد
والشر ها يمحيه
ليه تايه متغرب
ليه من حبه بتهرب
ليه م الدنيا بتشرب
شبعك موجود فيه

3- تحتار ليه وتستغرب
حاول بس وجرب
روح للفادي وقرب
جرحك راح يشفيه
روح اوصف له ظروفك
عجزك وسنين خوفك
جوا الضلمه يشوفك
ويشيلك بإيديه

Text Information

• First Line: يفرح لو تنادي له
• Refrain First Line: فيه واحد بيحبك
• Language: Arabic
• Publication Date: 2007

Tune Information

(No tune information)