رنموا للرب ‎#792

792. وقت الخوف وفي همي وتعبي

1- وقت الخوف وفي همي وتعبي
هارمي بحملي وخوفي عليك
وقت غيوم الشك وحيرتي
هارمي بنفسي في وسط إيديك
عايز حبك لي يا ربي
يثبت فيّ وأثبت فيك
يشفي الحب عذابي وقلبي
يفضل ثابت دايما بيك

قرار:
وسط الخوف محتاج لسلامك
زي النهر يغمرني
أجري عليك خدني في أحضانك
ربي بحبك طمني

2- هابكي في وسط الحضن الأبوي
وانسى دموع الخوف والرعب
هاسند راسي في حضنك ربي
تمسح دمعي بلهفة أب
تسند ضعفي وترثي لعجزي
وتطرح خوفي بغمر الحب
وامشي وإيدي في إيدك جنبي
تهدي خطايَ بطول الدرب

3- أرجع واسكن وانت بتشفي
حزني وتكسر قيد الهم
زي الطفل في حضنك نفسي
ترتاح زي فطيم للأم
يفضل حبك أأمن ملجأ
واسمك يفضل أمنع حصن
ولحضنك أتعلم ألجأ
أحتمي فيك م الخوف والحزن

Text Information

• First Line: وقت الخوف وفي همي وتعبي
• Refrain First Line: وسط الخوف محتاج لسلامك
• Language: Arabic
• Publication Date: 2007

Tune Information

(No tune information)