رنموا للرب ‎#458

458. اوعى تأجل وتقول بكره

1- اوعى تأجل وتقول بكره
وبكره يعدي زي امبارح
يوم ورا يوم العمر بيجري
وفكرك دايما تايه سارح

قرار 1:
راجع نفسك واسأل مره
ليه انا جيت م السما علشانك
ليه ضربوني وليه صلبوني
وحكم الموت نفذته بدالك

2- مهما اداك العالم باطل
وبيغريك إبليس الماكر
ماشي وراه ومعصَّب عينك
ساحب إيدك وانت الخاسر

3- أنا حبيتك إنت يا خاطي
بدمي فديتك وانت العاصي
ما هانش عليَّ أسقيك كاسي
وبرضه في غيَّك قلبك قاسي

قرار 2:
راجع نفسك واسأل مرَّه
ساعتها ها تعرف ليه ضربوني
راجع نفسك واسأل مرَّه
ساعتها ها تعرف ليه صلبوني
محبه أبديه أحببتك
يا اللا تعال أنا مستني
دا كل ما عندي هو لأجلك
يا اللا تعال عيش متهني

Text Information

• First Line: اوعى تأجل وتقول بكره
• Refrain First Line: راجع نفسك واسأل مره
• Language: Arabic
• Publication Date: 2007

Tune Information

(No tune information)