رنموا للرب ‎#284

284. لما بكيت من جرح في قلبي

1- لما بكيت من جرح في قلبي
لما تعبت انا بين أحزاني
جيت ورفعت بإيدك حزني
جيت وحنانك ليَّ ملاني

قرار:
وحدك إنت بتغني حياتي
تعطي ضمان للعمر الآتي
وتكون أوجاعي وآهاتي
ويَّاك ربي وهم سراب

2- لما الناس كلها نسيتني
وسط صعاب العمر هناك
جيت تتحنن جيت حبيتني
كل سلامي لقيته معاك

3- لما لقيتني انا عايش وحدي
باقاسي غربه ماليها آلام
جيت بحنان بدلت لي كربي
غمرت عمري بنهر سلام

4- لما كتير جرحوني في شده
ودموعي امتزجت بأنيني
حضنك كان يملاني بقوه
ترجع تاني انت وتحييني

Text Information

• First Line: لما بكيت من جرح في قلبي
• Refrain First Line: وحدك إنت بتغني حياتي
• Language: Arabic
• Publication Date: 2007

Tune Information

(No tune information)