M. B. Landstads Kirkesalmebog og "Nokre Salmar" ved Professor Dr. E. Blix, samt følgende tillæg ‎#764

764. Eit Ljos paa Jordi med Jesus rann

1 Eit Ljos paa Jordi med Jesus rann,
Som vilde til Gud oss lysa.
Det straalar klaart fyre kvar ein Mann,
Som honom i Tru vil hysa.

2 Ja Jesus Kristus er Livsens Ljos,
Som vil i vaart Hjarta renna.
Men Verdi styrer sin eigen Kos
Og vil ikkje Ljoset kjenna.

3 So vidt um Jord og i Himmelrom
Ho leitar og Ljos vil vinna.
Men hennar Visdom er Vesaldom,
For Gud kann ho ikkje finna.

4 Ho les paa Himmelen som ei Bok
Og Vegen til Stjernor kjenner.
Paa Sol og Maane ho trur seg klok,
Men daa etter skuggar renner.

5 Ho granskar Veder og granskar Vind
Og spaar deira ymse Vende,
Men er so reint fyre Ljoset blind,
Som Gud oss i Kristus sende.

6 Den arme Mann, som Myrker sit,
Vil endaa Guds dypter mæla.
Men Verdi vantar med alt sitt Vit
Den Sanning, som er til Sæla.

7 Det Sannings-Ljos, som er Jesus Krist,
Kann berre ved Tru me vinna.
For Mannavitet det heve misst
Det Ljoset, som Gud kann finna.

8 Aa Jesus, ver du so Ljoset vaart,
Som oss til Guds Rike leider!
Ja lys i Hjartat, til dess me klaart
Skal sjaa deg i Ljos og Heider!

Text Information

• First Line: Eit Ljos paa Jordi med Jesus rann
• Author: Blix
• Language: Nynorsk
• Publication Date: 1897
• Topic: Salmar til Kyrkjeaaret: 21. Sundag etter Trieinings-Helg; Hymns for the Church Year: Twenty-first Sunday after Trinity Sunday; 21 Søndag efter Trefoldigheds Fest: Til Hoimesse; Twenty-first Sunday after Trinity Sunday: High Mass
• Notes: Tone: Jeg ved et evigt Himmerig (L. 105)

Tune Information

(No tune information)