746. Born av denne Verdi er

1 Born av denne Verdi er
Sløgare enn Ljosens Søner:
Verdi sine Likar løner
Og seg dermed Vener fær.
Men Guds Born so jamleg ganga
I hans Ærend faavist fram:
Naar dei der skal Vinning fanga,
Verdi jamt deim gjerer Skam.

2 Sjaa, det er eit skilegt Krav,
At ein Tenar tru maa vera
Og sin Husbond Gagn maa gjera
Med dei Gaavor, som han gav.
Berre den, som trufast tener
Herren her i stort og smaatt,
Vinn seg i Guds Rike Vener
Og fær Lovord av sin Drott.

3 Med det Gods, som Gud deg gav,
Skal du her deg Vener vinna,
Vener og i Himlom finna,
Som velsigna deg i Grav,
Som med Gleda mot deg taka
I Guds Rikes ljose Bu;
Der du skal den Sæl smaka,
Som vert unnt Guds Tenar tru.

4 Dagen renn til Rekneskap,
Daa deg Herren fram vil kalla:
Tungt det vil den Tenar falla,
Som sin Herre volde Tap.
Der kvar Mann skal grannleg svar
Herren fyr sitt Hushald her,
Og kvar utru Tenar fara
Vegen, som til Myrkret ber.

5 Var du tru daa i det smaa,
Set han deg til større Æra:
I hans Hus daa skal du vera,
Med din Herre raada faa.
Jesus, l'r oss stødt aa stræva,
Trutt deg tena i vaart Kall!
Lat oss so med deg i Æra
Bustad faa i Himmelhall!

Text Information
First Line: Born av denne Verdi er
Author: Blix
Language: Nynorsk
Publication Date: 1897
Topic: Salmar til Kyrkjeaaret: 9. Sundag etter Trieinings-Helg; Hymns for the Church Year: Ninth Sunday after Trinity Sunday; 9 Søndag efter Trefoldigheds Fest: Til Hoimesse (1 more...)
Notes: Tone: Saligheden er os nær (L. 176)
Tune Information
(No tune information)



Suggestions or corrections? Contact us
It looks like you are using an ad-blocker. Ad revenue helps keep us running. Please consider white-listing Hymnary.org or getting Hymnary Pro to eliminate ads entirely and help support Hymnary.org.