كتاب الترانيم الرحية لكنائس النعمة الرسولية (الطبعة السابعة) ‎#371

371. كل أموري انت عارفها

1- كل أموري انت عارفها
كل ظروفي انت شايفها
مش محتاج أقول لك
كل أسراري انت كاشفها

القرار
أنا ابنك
أنا ملكك
أنا ابنك وانا غالي عليك
أنا ملكك وانا بين يديك

2- انت عارف اللي في قلبي
انت كاشف فكري يا ربي
دا حياتي انت شايفها
ما فيش شي عليك متخبي

3- لما الأحبا ينسوني
والأصدقاء يتركوني
ألاقيك انت جانبي
تمسح لي دموع عيني

4- كل حاجاتي انت بتعطيني
كل حياتي بالاقيك تراعيني
ولما بانده لك
في ضيقاتي تسرع تجيني

5- أتعابي وآلامي مش هتطول
عن قريب ضيقاتي هاتزول
لما تجيني يا حبيبي
هانسى كل آلامي واقول

Text Information

• First Line: كل أموري انت عارفها
• Refrain First Line: أنا ابنك
• Language: Arabic
• Publication Date: 2003

Tune Information

(No tune information)