كتاب الترانيم الرحية لكنائس النعمة الرسولية (الطبعة السابعة) ‎#122

122. ما انساش أصلي كنت أنا عاصي

القرار
لولا النعمة ما كنت أشوفك
ولا كان ليّ مكان في سماك
أنا مديون لك ربي بعمري
ياللي فديتني بسفك دماك

1- مانساش أصلي كنت أنا عاصي
طول أيامي وكلي معاصي
ضربه طرية في كل كياني
من رجليّ لهامة راسي

2- ياما حاولت وكنت باحاول
أجد الراحة ماكنتش طايل
عشت في وهم سنين خدعتني
شهوة عيني في عالم زايل

3- نعمة غنية اتجهت ليّ
فكت نفسي من العبودية
لما ناداني يسوع ودعاني
في الحال قلبي أتغير فيّ

4- نعمه تكفي طول الرحلة
من بدايتها لحد لقاك
ماشية معايا بكل عناية
لحد ما تيجي تاخدني معاك

Text Information

• First Line: ما انساش أصلي كنت أنا عاصي
• Refrain First Line: لولا النعمة ما كنت أشوفك
• Language: Arabic
• Publication Date: 2003

Tune Information

(No tune information)