اصنع بنا نهضتك ‎#919

919. مش هنبطل نصلي

1- لما الخوف يحاصر كل بيت
لما تِحصَل الأزمة ونقول يا ريت
لما يعلى صوت التهديدات
لما نفوس بريئة تبقى ذكريات
مافيناش يا رب قوة
والصراخ في القلب جوّة
لكن نحوك عينينا

القرار-
مش هنبطّل نصلي مش هنوقّف نغني
مد إيدك دول عبيدك ربي بيك متمسّكين
مش هنبطّل نصلي مش هنوقّف نغني
عارفينك رب عادل تجري حكم للمظلومين
مش هنبطّل نصلي مش هنوقّف نغني
إنت قُلت إن الكنيسة أقوى من باب الجحيم
مش هنبطّل نصلي مش هنوقّف نغني
هنبارك وهنغفر وهننسى كل أليم

2- ياللي معانا حتى في الأتون
وعشان نشيل اسمك الموت يهون
ده إنت على الصليب دقت الآلام
وفي اليوم التالت قمت دست الظلام
مجِّد يا رب اسمك
اعلن يا رب حقك
ورّينا المعجزات

Text Information

• First Line: لما الخوف يحاصر كل بيت
• Title: مش هنبطل نصلي
• Author: فيكتور فوزي
• Refrain First Line: مش هنبطل نصلي مش هنوقف نغني
• Language: Arabic
• Publication Date: 2013

Tune Information

(No tune information)