اصنع بنا نهضتك ‎#847

847. تختفي الأحزان

1- تختفي الأحزان في قربك
يتشفي القلب اللي حبك
تتعفي الروح اللي ملكك
من عقوبتها وديونها
الديون إنت دافعها
والحمول إنت رافعها
والصلاة بتستمعها
والنفوس بتشيل همومها

القرار-
لو هموم سايدة وزايدة
والحلول مش جايبة فايدة
إنت بتنجي وتنقذ
يا معين يا معين إرحم حبايبك
يا يسوع إظهر عجايبك
خلي كل الدنيا تعرف إنت مين

2- مين يارب ياخدنا منك
ولّا مين يفصلنا عنك
ياللي شارينا بدمك
ياللي حاططنا في عيونك
وبعينيك إنت حارسنا
واعي وبتحرس نفوسنا
صون بيوتنا وكنايسنا
مش هنطمن بدونك

3- يتمحي ويخلص مرارنا
يمشي ليلنا يعود نهارنا
طول ما فوق عتبة ديارنا
دمك المرشوش علامة
بالعلامة دي خلاصنا
بالصليب رفعت راسنا
وإن أسود جات تفترسنا
الصليب هيكون حمانا

Text Information

• First Line: تختفي الأحزان في قربك
• Title: تختفي الأحزان
• Author: رمزي بشارة
• Refrain First Line: لو هموم سايدة وزايدة
• Language: Arabic
• Publication Date: 2013

Tune Information

(No tune information)