اصنع بنا نهضتك ‎#770

770. هل لخاطي زيي

1- هل لخاطي زيي ضعيف
إنه ييجي لمحضرك
ماضيّ صعب ومخيف
والشر زاد وامتلك
أنا عايز أجيلك ناديني
وإفتح لي باب للرجا
أنا جرحي نافذ وعيني
مكسورة ومحرجة

2- أنا عارف إنه في دمك
كسْر قيودي الحديد
اقبلني عبدك وإبنك
إخلقني من جديد
أنا عايز أجيلك وخايف
أضعف تاني وأرجع
ضمني قولي هاسندك
وف وقت الضعف هارفع

3- أنا جاي وأملي تكون لي
أبويا وسندي الشديد
ماليش بديل تاني سواك
إنت أملي الوحيد
خليني أبلل كتافك
بدموع توبتي وصلاتي
وأبدا اليوم معاك
بداية جديدة لحياتي

Text Information

• First Line: هل لخاطي زيي ضعيف
• Title: هل لخاطي زيي
• Author: هاني روماني
• Language: Arabic
• Publication Date: 2013

Tune Information

(No tune information)