اصنع بنا نهضتك ‎#508

508. افتح يا رب عيون شعبك

1- افتح يا رب عيون شعبك
يشوفك إنت ويسمع لك
تغفر خطاياه ويرجع لك
وع الخطايا يدوس
وإن كان في وسطينا حرام
وقدام عدونا انهزام
اكشف لنا فين هو عخان
واحفظنا م اللصوص

القرار-
يا عالي يا قدوس
يا خالق النفوس
شعبك هنا واقف أمامك
جايين بهيبة قدام جلالك
يا عالي يا قدوس

2- بالدم شعبك اتقدس
عمل صليبك يا مخلص
وإحنا جينالك نتخصص
شعب المسيح مفروز
وعشان كلامك إنت الحق
وغير كلامك ماهوش حق
هنرفضه ونقول له لأ
وبالوصايا نلوذ

3- جايين غرضنا تشكلنا
دا إحنا عملك يا جابلنا
إناء كرامة هتعملنا
بروحك القدوس
ونعيش عشان نخدم شخصك
مجد وكرامة تكون لاسمك
شباب كتير يتكرس لك
ويصير معاك محظوظ

4- بيوت عبيدك تحفظها
تمد إيدك وتصونها
صوت الترنم يغمرها
تيجي بحضور ملموس
مافيش مثيلك يا غالب
تصنع لشعبك عجايب
وتحفظه في التجارب
وإبليس يعود مفروس

5- فضينا منها أيادينا
لا تخصنا ولا هيش لينا
بالتقوى وقداسة السيرة
ماهيش غنى وفلوس
ولا إحنا هنكلبش فيها
وطأة قدم بنعديها
لكن قلوبنا ماتبغيها
عابرين بعزم ندوس

Text Information

• First Line: افتح يا رب عيون شعبك
• Title: افتح يا رب عيون شعبك
• Author: بهجت عدلي
• Refrain First Line: يا عالي يا قدوس
• Language: Arabic
• Publication Date: 2013

Tune Information

(No tune information)