اصنع بنا نهضتك ‎#1116

1116. غني وكمل ترحالك

القرار-
غني وكمِّل ترحالَك
وإن طالت قول أعِنّي وهو مكمل مشوارَك

1- لما تزيد الهموم جُواك عِزِّ الإله
اتشدد بيه وقوم خَطّي لبُكره معاه
مش دي النهاية غني إنت الحكاية غني
غني وفرح أنغامك

2- اللي شايفاه عينيك مش هو كل شيء
النور جاي بيناديك ماتخافش معاك صديق
يفتح طريق غني ويعدّي بيك غني
غني وغير ألحانك

3- ماتصدّقش انكسار يمنع فيك الحياة
ولا يوم ييجي انتصار مابتسبقهوش الآه
لا انهيار غني جاي النهار غني
ارفع نعمة أوتارك

4- مهما الليل جه بسواد مخزون فيك الرجاء
والفجر لُه معاد مسكون إنت بضياه
بالكلمة فيك غني بسلامُه غني
علّي في نعمة إيمانك

Text Information

• First Line: لما تزيد الهموم جواك عز الإله
• Title: غني وكمل ترحالك
• Author: ماهر فايز
• Refrain First Line: غني وكمل ترحالك
• Language: Arabic
• Publication Date: 2013

Tune Information

(No tune information)