اصنع بنا نهضتك ‎#1090

1090. هاعدي هاعدي

القرار-
هاعدي في الجبال اللي واقفة ضدي
هاعدي بإيماني اللي مالي يدي

1- هاعدي وهتعدي آلامتى وكل ضيقة انا عيشتها
هاعدي وهتعدي نكباتي انا أقوى بيك منها
وهتمر صور المر قدام عيني كذكريات
والسر إن انت حي وقمت من بين الأموات
أمَّنتك وآمنتك على كل ما عندي
وأماني وإيماني في الوعد يا سندي

2- هاعدي وهتعدي لحظات الحيرة والشك وظلامي
هاعدي وهتعدي نبرات الحزن وكآبة كلامي
وأديني فارد إيديني مصلوب وغالب كما المسيح
في القبر مستني فجر وقيامتي جاياني بتسبيح
وثباتي في الآتي بعهدك مش بعهدي
والنصرة والقوة في إيديك وانا معدي

3- هاعدي وهتعدّي بثواني الراحة في ساعات الغريب
هاعدّي وهتعدي بحلاوتها وجمالها ولو للمشيب
وهينتهي كل ده في لحظة ما هيجيني وأراه
وبجسم جديد روحاني مجيد هاشوفه واعيش معاه
وهاقضي في المجدِ حياة في نور أبدي
وهارنم وانا باخدم في بيت الآب سيدي
هللويا هللويا دي حياة في نور أبدي
هللويا هللويا في بيت الآب سيدي

Text Information

• First Line: هاعدي وهتعدي آلامتى وكل ضيقة انا عيشتها
• Title: هاعدي هاعدي
• Author: ماهر فايز
• Refrain First Line: هاعدي في الجبال اللي واقفة ضدي
• Language: Arabic
• Publication Date: 2013

Tune Information

(No tune information)