The Cyber Hymnal ‎#14617

14617. ജയം ജയം യേശുവിന്നു

1 ജയം ജയം യേശുവിന്നു ദിവ്യ രക്ഷകൻ ഇതാ
ചാവിൻ കല്ലറയിൽ നിന്നു ഉയിർത്തു ഹല്ലെലൂയ്യാ!

ജയം ജയം ഹല്ലേലൂയ്യ! വാഴ്ക ജീവദായക (2)
ചത്ത കർമ്മങ്ങളിൽ നിന്നും യേശു നമ്മെ രക്ഷിച്ചു
നമ്മിൽ ജീവിക്കുന്നതിന്നു തന്നെത്താൻ പ്രതിഷ്ഠിച്ചു.

2 മൃത്യുവിൻ ഭയങ്കരത്വം നീങ്ങി തൻ ഉയിർപ്പിനാൽ
നിത്യജീവന്റെ ഇമ്പങ്ങൾ വന്നു സുവിശേഷത്താൽ

3 മണ്മയമാം ഈ ശരീരം ആത്മമയമാകുവാൻ
കാഹളം ധ്വനിക്കുന്നേരം കല്പ്പിച്ചീടും രക്ഷകൻ

4 നെടുവീർപ്പും കണ്ണുനീരും ദുഖവും വിലാപവും
നൊടി നേരം കൊണ്ടു തീരും പിന്നെയില്ല ശാപവും

5 ജീവന്നുള്ള രക്ഷിതാവിൻ കൂടെ നാമും ജീവിക്കും
എന്നെന്നേക്കും തൻ പിതാവിൻ രാജ്യത്തിൽ ആനന്ദിക്കും

Text Information

• First Line: ജയം ജയം യേശുവിന്നു ദിവ്യ രക്ഷകൻ ഇതാ
• Title: ജയം ജയം യേശുവിന്നു
• Author: Volbrecht Nagel
• Refrain First Line: ജയം ജയം ഹല്ലേലൂയ്യ! വാഴ്ക ജീവദായക
• Language: Malayalam
• Copyright: Public Domain

Tune Information

• Name: CLEMENTINE
• Key: F Major or modal
• Copyright: Public Domain