The Cyber Hymnal ‎#14555

14555. കർത്താവിനെ നാം സ്തുതിക്ക ഹേ ദൈവ മക്കളെ!

1 കർത്താവിനെ നാം സ്തുതിക്ക ഹേ ദൈവ മക്കളെ!
സന്തോഷത്തിൽ നാം അർപ്പിക്ക സ്തോത്രത്തിൻ ബലിയെ-

പല്ലവി:
നാം സ്തോത്രം സ്തോത്രം സ്തോത്രംകഴിക്ക!
സ്തോത്രം സ്തോത്രം നാം സ്തോത്രം കഴിക്ക!

2 വിശുദ്ധസ്നേഹ ബന്ധത്താൽ ഒരേ ശരീരമായ്
നാം ചേർക്കപ്പെട്ടതാകയാൽ ചേരുവിൻ സ്തുതിക്കായ് [പല്ലവി]

3 പിതാവു ഏകജാതനെ നമുക്കു തന്നല്ലോ
ഹാ! സ്നേഹത്തിൻ അഗാധമെ നിന്നെ ആരായാമോ [പല്ലവി]

4 നാം പ്രിയപ്പെട്ട മക്കളായ് വിളിച്ചപേക്ഷിപ്പാൻ
തൻ അത്മാവെ അച്ചാരമായ് നമുക്കു നൽകി താൻ [പല്ലവി]

5 ഓർ ഏദൻ തോട്ടം പോലിതാ തൻ വചനങ്ങൾ ആം
വിശിഷ്ടഫലം സർവ്വദാ ഇഷ്ടം പോൽ ഭക്ഷിക്കാം [പല്ലവി]

6 ഈ ലോകത്തിൻ ചിന്താകുലം ദൈവാശ്രിതർക്കില്ല
തൻ പൈതങ്ങളിൻ ആവശ്യം താൻ കരുതും സദാ [പല്ലവി]

7 കർത്താവിൻ നാമം നിമിത്തം അനേക കഷ്ടങ്ങളും
നേരിടുമ്പൊഴും ധന്യർ നാം ഇല്ലൊരു നഷ്ടവും [പല്ലവി]

8 ഈ വിതക്കുന്ന കാലം നാം ചിലപ്പോൾ കരയും
പിതാവോ കണ്ണുനീരെല്ലാം തുടച്ചുകളയും [പല്ലവി]

9 തൻ നിത്യ രാജ്യം നൽകുവാൻ പിതാവിന്നിഷ്ടമായ്
തൻ മുഖത്തിൻ മുമ്പാകെ താൻ നിർത്തും തൻ സ്തുതിക്കായ് [പല്ലവി]

Text Information

• First Line: കർത്താവിനെ നാം സ്തുതിക്ക ഹേ ദൈവ മക്കളെ!
• Title: കർത്താവിനെ നാം സ്തുതിക്ക ഹേ ദൈവ മക്കളെ!
• Author: Volbrecht Nagel
• Refrain First Line: നാം സ്തോത്രം സ്തോത്രം സ്തോത്രംകഴിക്ക!
• Language: Malayalam
• Copyright: Public Domain

Tune Information

• Name: [കർത്താവിനെ നാം സ്തുതിക്ക ഹേ ദൈവ മക്കളെ!]
• Composer: George Coles Stebbins
• Key: C Major
• Copyright: Public Domain